Hlăm hră m’ĭt, Khua kiă kriê lăn Đảng ala čar Russia hluh lir Dmitry Medvedev bi êdah klei đăo knang, hŏng klei thâo kơ bruă kđi čar lehanăn klei thâo kơ bruă, Khua gĭt gai Đảng, Khua lăn čar Tô Lâm srăng đru mguôp tŭ dưn kơ hdră mđĭ kyar bruă duh mkra – ala ƀuôn lehanăn hdră mtrŭn hŏng tač êngao hlăm klei êngiê mơ̆ng Việt Nam; mbĭt anăn đăo knang klei bi mjĕ plah wah Đảng ala čar Russia hluh liê lehanăn Đảng Cộng sản Việt Nam srăng dưi bi kjăp hĭn kyua klei tŭ dưn kơ mnuih ƀuôn sang dua ala čar, Hlăm hră h’êč hmưi, Khua Đảng Cộng sản Japon Shii Kazuo čang hmăng lehanăn đăo knang dua đảng srăng lŏ bi hgŭm, bi mguôp kjăp, mtrŭt mđĭ klei bi mjĕ mjuk, bi êlam hĭn klei bi mjĕ dua Đảng, mđĭ hĭn klei bi mjĕ dua ala čar.

Ƀri gưl anei, Khua gĭt gai Đảng Mặt trận mtlaih êngiê mnuih ƀuôn sang Sri Lanka, Khua Anôk bruă hŏng tač êngao Đảng Cộng sản Tây Ban Nha Manuel Pineda, Khua bruă Đảng Cộng sản dŭm djuê ana Tây Ban Nha Víctor Lucas, khua Anôk bruă bi mjĕ Đảng Êpul hgŭm mnuih ƀuôn sang yang ƀuôn Êjip, Khua Đảng Cộng sản Sudan Fathi Alfadl ăt ba m’ĭt asăp h’êč hmưi kơ Khua gĭt gai Đảng, Khua lăn čar Tô Lâm./.