Hlăm hră m’ĭt, Khua knŭk kna Singapore đăo knang, klei bi mjĕ plah wah Singapore lehanăn Việt Nam srăng đĭ kyar kjăp hĭn ti gŭ klei gĭt gai mơ̆ng Khua gĭt gai Đảng, Khua lăn čar Tô Lâm. Khua hlăm Đảng ngă bruă Mnuih ƀuôn sang Singapore  Lý Hiển Long mñă, Singapore  mprăp hŏng Việt Nam ba yua jih klei găl mâo hlăm hdră duh mkra lehanăn hdră êlan phŭn hlăm krĭng wăl, pŏk mlar klei bi hgŭm lehanăn mđĭ êlam hĭn klei bi mjĕ dua Đảng, mkra mđĭ klei bi mjĕ dua nah plah wah dua ala čar truh ti hnơ̆ng mrâo.

Khua knŭk kna Australia h’êč hmưi kơ Tô Lâm dưi ruah ngă Khua gĭt gai Đảng Cộng sản Việt Nam, mñă Australia lehanăn Việt Nam jing ƀĭng găp sĭt suôr, klei bi mjĕ dua ala čar mâo tur knơ̆ng h’ĭt kjăp mơ̆ng klei bi mjĕ jăk siam plah wah mnuih ƀuôn sang dua ala čar lehanăn klei đăo knang bruă kđi čar. Đảng Cộng sản Mi mñă klă, klei thâo săng êlam mơ̆ng Khua gĭt gai Đảng, Khua lăn čar Tô Lâm kơ klei mĭn Mác Lênin lehnăn dŭm hdră êlan mtrŭn mơ̆ng Đảng Cộng sản Việt Nam đru tă hdră êlan kiă kriê thâo mbruă, đru mkŏ mkra Việt Nam jing sa yang ƀuôn ênuk mrâo, mâo hdră duh mkra hluê hdră êlan yang ƀuôn ngă phŭn, sa ala čar mâo hnơ̆ng hdĭp đĭ kyar./.