VOV4.Êđê - Bi hdơr 75 thŭn Hrue kahan êka êkeh, phung êngiă asei, aguah mbrue (26/7), Êpul khua bi ala gưl dlông Đảng, Bruă kƀĭn ala, knŭk kna dhar bruă mặt trận čar kwar gưl dlông Việt Nam nao dưm leh kwang mnga, čuh brui mngưi bi hdơr kơ phung djiê êngiă ti knưng bi hdơr kơ phung jhŏng ktang êlan Bắc Sơn, Hà Nội, lehanăn nao dưm leh kwang mnga, nao čuă msat Khua gĭt gai Hồ Chí Minh.

Hŏng klei mpŭ, phung bi ala bi hdơr kơ phung jhŏng ktang mơ̆ng djuê ana myơr leh klang êrah pô săn asei mlei bi blah kyua djuê ana, mhluh lir lăn čar, ba wĭt klei êngiê kluôm dhuôm, kyua hdră êlan yang ƀuôn ngă phŭn, lehanăn hdră êlan hgŭm hŏng tač êngao prŏng. Kwang mnga mơ̆ng Êpul mâo boh hră “Hdơr nanao kơ phung jhŏng ktang êngiă asei”.

Ăt hlăm hrue anăn mơh, Êpul khua bi ala bruă Đảng kahan gưl dlông, mơ̆ng phŭn bruă lĭng kahan, bruă Đảng kahan ksiêm gưl dlông, Phŭn bruă kahan ksiêm, Phŭn bruă mnuih ngă bruă phung knap mñai, ƀuôn prŏng Hà Nội... lehanăn jih jang dŭm knơ̆ng dhar bruă hlăm kluôm ala, lehanăn mơ̆ng ala tač êngao nao dưm leh kwang mnga bi hdơr kơ phung djiê êngiă, lehanăn nao čuă msat khua gĭt gai Hồ Chí Minh./.

Y-Khem pô mblang