VOV4.Êđê- Aguah mbrue (7/3), ti wăl krah Plei Kần, kdriêk Ngọc Hồi, Êpul kiă kriê bruă êdam êra čar Kontum mkŏ mjing leh knăm mtrŭt mjhar bruă êdam êra lehanăn hdră mlan 3 knông lăn lăn čar kâo thŭn 2022.

Hlăm knăm anei, Êpul kiă kriê bruă êdam êra čar Kontum iêo mthưr leh phung knuă druh, êdam êra hlăm mlan 3 thŭn 2022 mâo bruă ba anăp, klam ngă lu mta bruă kkuh mơak hrue mkŏ mjing klei bi kƀĭn prŏng bruă êdam êra djăp gưl lehanăn 91 thŭn hrue mkŏ mjing bruă êdam êra Cộng sản Hồ Chí Minh, ngă bruă mdrơ̆ng hŏng klei ruă tưp, đru bruă kơ klei hdĭp mda ala ƀuôn, mnăm êa hdơr kơ hnoh, ngă bruă êdam êra rŭ mjing bruă knuă, duh mĭn kơ bruă êdam êra, hđeh êlăk..

. Wưng anei êpul êdam êra lehanăn bruă mniê Phŭn bruă kahan ksiêm mđup brei 10 myta hdră bi hmô mđĭ kyar klei hdĭp mda msĕ si bruă rông 1 êbâo drei mnŭ mă boh, kơ 10 gŏ êsei rông, jing dŭm gŏ êsei dleh dlan, phung khua kiă kriê krĭng mnuih djuê ƀiă, anôk bruă klei đăo, lehanăn lu hnư mnơ̆ng đru kơ hđeh hriăm hră dleh dlan krĭng knông lăn Kontum./.

         Pô mblang: Y-Khem Niê