VOV4.Êđê -  Sa ai hŏng hdră “Pla sa êklai phŭn kyâo wưng thŭn 2021 – 2025” mơ̆ng khua knŭk kna, aguah mbrue (4/7) ktuê êlan dar ping čư̆ Măng Đen hlăm êpan dơ̆ng prŏng mrô 24, kdrêč găn wăl krah Măng Đen, kdriêk Kon Plông, Êpul kiă kriê bruă êdam êra Kontum mkŏ mjing leh bruă trŭn pla kyâo dua nah êlan dơ̆ng, pioh răng mgang.

Hlăm aguah êbeh 300 čô knuă druh, êdam êra, mbĭt hŏng phung ƀuôn sang dua kdriêk Kon braih, lehanăn Kon Plông čar Kontum pla leh dŭm êbâo phŭn hngô tlâo ha. Hŏng hdră grăp čô knuă druh bi mâo pla ƀiă êdi sa phŭn kyâo, mơ̆ng thŭn 2020 truh kơ ară anei hlăm kdrêč êlan dar kčŭn čư̆ Măng Đen, êpul êdam êra mâo mkŏ mjing truh leh 3 blư̆ trŭn pla kyâo hŏng giăm 20 êbâo phŭn kyâo./.

Y-Khem pô mblang