VOV4.Êđê- Aguah mbrue (15/9), ti Hà Nội, mkŏ mjing leh klei trông čhai kreh knhâo hŏng anăn: “Phung mda asei Việt Nam – Lao hriăm lehanăn hlue ngă knhuah mngač Hồ Chí Minh – lehanăn Khua gĭt gai Keison Phonmvihan, mâo Êpul hgŭm bruă êdam êra gưl dlông Cộng Sảng Hồ Chí Minh hgŭm hŏng anôk bruă kiă kriê klei hâo hưn gưl dlông mkŏ mjing. Anei jing bruă bi hdơr 60 thŭn hrue mkŏ mjing klei mjĕ mgiăm Việt Nam – Lao lehanăn 45 thŭn Hrue ngă klei kuôl kă hgŭm mbĭt lehanăn hgŭm bruă plah wah dua ala čar.

Jih jang klei blŭ ti anôk trông čhai mâo bi klă jih jang klei mĭn lehanăn knhuah mơ̆ng khua gĭt gai Hồ Chí Minh lehanăn keison Phomvihan jing leh ngăn dưn yuôm bhăn kơ dua Đảng, dua ala čar jing atur, lehanăn giê ktrâo kơ klei ngă bruă, hlăm anăn mâo phung mda asei Việt Nam lehanăn Lao. Bruă klam mơ̆ng phung mda asei dua ala čar tui hriăm klei anei jing lŏ mđĭ bi lar hĭn bi kjăp hĭn. Phung bi ala mñă: Gưl mda asei dua ala čar lŏ dơ̆ng čuê bruă krŭ kdơ̆ng mơ̆ng aê ama pô êlâo, mđĭ kyar, lehanăn ksul mbŭ klei thâo bi khăp, lehanăn bi mguôp yuôm bhăn Việt nam - Lao./.

Pô mblang: Y-Khem Niê