Djŏ hŏng hdră kñăm čiăng luôm truh sa êklai phŭn kyâo mtah wưng 2021-2025” mơ̆ng khua knŭk kna, čar Lâm Đồng mâo ƀuăn pla truh 50 êklăk phŭn kyâo djăp mta. Tĭng truh jih thŭn 2023, Lâm Đồng pla leh ênŭm 26,3 êklăk phŭn kyâo, djăp 52,5% hdră kčah. Čiăng kơ dŭm ênoh adôk mâo pla hlăm thŭn 2024, Lâm Đồng čoh čuăn lŏ pla truh êbeh13,6 êklăk phŭn kyâo hlam kluôm čar.

Blŭ hrăm ti anôk trŭn kơ bruă Nguyễn Thái Học, Khua bruă Đảng jing jai Lâm Đồng lač, grăp phŭn kyâo srăng đru mguôp kơ bruă mđĭ kyar jăk kơ wăl hdĭp mda, đru luôm bi jih lăn huông duôr čư̆ klă, mdrơ̆ng hŏng klei bi mlih yan adiê, jing klei tar rŏng lăn lehanăn jih jang mnuih dôk găn. Hlăm klei mtrŭt mjharr anei, mâo leh êbeh 1.000 čô knuă druh, mnuih ngă bruă, lĭng kahan, mnuih ƀuôn sang lehanăn phung tue nao bi pla truh 2.000 phŭn kyâo hngô tlâo hla lehanăn 750 phŭn ana anh đào ktue êlan ping čư̆ Prenn Đà Lạt.