VOV4.Êđê- Pô bi ala Việt Nam ti Mi Nguyễn Quốc Dũng mâo leh hdră bi trông hŏng Sarah Bianchi, K’iăng khua bi ala bruă mnia mblei Mi. Dua tĭng bi tŭ ư klei yuôm bhăn hlăm bruă mtrŭt mđĭ hdră bi hgŭm bruă duh mkra – mnia mblei plah wah Mi hŏng dŭm krĭng lehanăn Việt Nam. Ti anôk bi tuôm, pô bi ala Nguyễn Quốc Dũng lehanăn Sarah Bianchi bi mni kơ klei đĭ kyar hlăm klei bi mjĕ bruă duh mkra – mnia mblei plah wah dua ala čar wưng êgao. Dua tĭng bi trông kơ dŭm bruă mâo klei mđing djŏ tuôm kơ klei bi hgŭm bruă mnia mblei Việt Nam – Mi lehanăn bi mklă klei yuôm hlăm bruă mtrŭt mđĭ hdră bi hgŭm hŏng dŭm krĭng wăl lehanăn Việt Nam. Pô bi ala Nguyễn Quốc Dũng čang hmăng dua tĭng krơ̆ng kjăp hdră bi hgŭm, bi blŭ hrăm. K’iăng khua bi ala bruă mnia mblei Mi Sarah Bianchi alum jak pô bi ala Nguyễn Quốc Dũng truh ti ƀuôn prŏng phŭn Washington, mbĭt anăn čang hmăng dưi mă bruă kjăp hĭn hŏng Anôk bruă bi ala lehanăn pô bi ala Việt Nam kñăm mtrŭt mđĭ hdră bi hgŭm bruă duh mkra lehanăn mnia mblei plah wah dua tĭng./.

                                                    Pô mblang: H’Nêč Êñuôl