Leh hmư̆ khua gĭt gai Knơ̆ng bruă sang čư̆ êa kdriêk Dương Minh Châu hưn klah čŭn kơ bruă đru kơ klei hdĭp mda ala ƀuôn hlăm wưng êgao, Pô mâo klei dưi khua lăn čar Võ Thị Ánh Xuân bi mklă Tây Ninh jing alŭ wăl mâo hdră bruă yuôm bhăn kơ bruă duh mkra- ala ƀuôn leh anăn rơ̆ng kơ bruă lĭng kahan, klei êđăp ênang.

Ñu mtă, hlăm wưng kơ anăp, Tây Ninh ba yua čih klei găl, klei mâo kơ bruă tuh tia mkra mjing, bruă lŏ hma kdrăp mrâo, hiu čhưn ênguê mđĭ klei bi hgŭm hŏng dŭm čar hlăm krĭng, mjing tur knơ̆ng êdah êdi hlăm êdei anăp. Ƀri gưl anei, Pô mâo klei dưi khua lăn čar Võ Thị Ánh Xuân mđup brei leh 200 êklăk prăk kơ Keh đru mgang phung hđeh čar Tây Ninh; mđup brei 20 hnư mnơ̆ng kơ dŭm gŏ sang knŭk kna dlăng ba, 15 hnư mnơ̆ng kơ dŭm gŏ sang mâo klei hdĭp dleh dlan leh anăn 20 hnư mnơ̆ng kơ hđdeh dleh dlan ti kdriêk Dương Minh Châu./.