VOV4.Êđê - Tlam hruê 22/3, ti ƀuôn prŏng Hạ Long, čar Quảng Ninh, Phŭn bruă Dhar kreh, mjuăt ktang asei mlei lehanăn hiu čhưn ênguê bi hgŭm hŏng Anôk bruă sang čư̆ êa čar Quảng Ninh, dŭm êpul djŏtuôm mkŏ mjing Klei bi kƀĭn mtrŭt mjhar lŏ pŏk hdră hiu čhưn ênguê Việt Nam – Tui ksiêm kluôm dhuôm. Ti knăm anei,  Nguyễn Trùng Khánh, Khua knơ̆ng bruă Dhar kreh, mjuăt ktang asei mlei lehanăn hiu čhưn ênguê hưn mthâo leh hdră lŏ pŏk ƀăng bruă hiu čhưn ênguê hlăm lehanăn êngao ala čar kñăm mjing klei găl hŏng dŭm klei kčah mtrŭn mrâo. Jing anôk hiu čhưn ênguê prŏng mơ̆ng kluôm ala, čar Quảng Ninh ăt mprăp drông phung tuê hiu čhưn ênguê hŏng lu hdră bruă Dhar kreh, mjuăt ktang asei mlei lehanăn hiu čhưn ênguê hlăm thŭn 2022. Hlăm mlan 4 srăng mâo dŭm hdră êdah kdlưn msĕ si: Knăm m’ak Carnaval Hạ Long 2022, Knăm m’ak ao dai, Klei bi lông mnơ̆ng ƀơ̆ng huă, Klei bi lông kdŏ Xiếc jăk êdi...

H’Nêč pô mblang