Leh êbeh 10 mlan dôk mkra êlan, kdrêč 3km êlan kčŭn čư̆ Prenn mâo bi leh hŏng grông êdeh dua anăp. Anei jing êlan dơ̆ng phŭn mkŏ mơ̆ng krtah ƀuôn prŏng Đà Lạt hŏng alŭ wăl hiu čhưn ênguê msĕ si drai Datanla, alŭ wăl hiu čhưn ênguê ênao Tuyền Lâm, war dliê Trúc Lâm lehanăn dŭm alŭ wăl mnuih ƀuôn sang dôk tĭng nah dhŭng ƀuôn prŏng.

Klei ba yua êlan dơ̆ng anei amâo mâo djŏ knŏng pioh kơ bruă hiu čhưn ênguê, lehanăn kơ mnuih ƀuôn sang mơak thŭn mrâo anăp anei, ƀiădah lŏ đru bi hrŏ klei kpăk gun êlan hlăm krah ƀuôn prŏng. Ară anei êbeh 4km adôk mơ̆ng kčŭn čư̆ Prenn truh kơ drai Datanla trŭn truh kơ jơ̆ng čư̆ hlăk dôk mkra. Čiăng kơ jih kdrêč êlan anei mâo klei dưi êran ênŭm ti wưng êlâo kơ Tết nguyên đáng anăp anei, Êpul grŭp  Đèo Cả hlăk dôk tiŏ nao jih ai dưi, êdeh êdâo êpul ngă bruă dôk mkra êlan hrue lehanăn mlam čiăng bi leh./.