VOV4.Êđê – Hrue mbrue (2-6), ti ƀuôn prŏng Ƀuôn Ama Thuôt, čar Daklak, Êpul mkŏ mjing “Êlan hrah” mâo bi mguôp leh hŏng hŏng êpul hgŭm bruă mtrŭt mjhar klei myơr êrah čar Daklak mkŏ mjing bruă anei, pia “Êlan hrah” hlăm kluôm ala gưl ta 12, kčưm kơ bruă anei srăng ngă hlăm 2 mlan găn nao hlăm 51 boh čar, ƀuôn prŏng kluôm ala,

Bruă myơr êrah thŭn 2024 hŏng mta kñăm: Hâo hưn, lehanăn kăp kčĕ kơ 1 êklăk čô mnuih nao hlăm klei myơr êrah, lehanăn mblang kơ klei ruă êrah amâo mâo jăk mơ̆ng tian amĭ, tĭng bruă anei srăng dưi mâo mă truh 120.000 ênoh êrah doh, mtrŭt mjhar bi mâo ƀiă êdi truh 8.000 čô mnuih ba anăp ti dŭm alŭ wăl, nao hlăm bruă mkŏ mjing êlan hrah, lehanăn ngă dŭm bruă đru dŏng ti alŭ wăl./.