VOV4.Êđê - Aguah mbruê 26/5, klei kƀĭn trông Klei hdĭp Asi mgi dih tal 27 dưi kčưm pŏk leh ti ƀuôn prŏng phŭn Tokyo, ala čar Japon hŏng klei nao hgŭm mơ̆ng lu phung khua gĭt gai Asi msĕ si Khua knŭk kna Singapore Lý Hiển Long, Khua knŭk kna Thailand Prayut Chan-o-chan. K’iăng Khua knŭk kna Phạm Bình Minh ba anăp êpul bi ala Việt Nam nao hlăm klei kƀĭn trông anei. Klei kƀĭn trông anei mâo akŏ “Bi klă bruă klam mơ̆ng Asi hlăm rŏng răng bi ka mbha”. Êngao kơ dŭm klei blŭ êlan online mơ̆ng phung khua gĭt gai, mâo lu klei bi trông hlăm 2 hruê hŏng akŏ: Bi mlih tar rŏng lăn mơ̆ng Asi – klei hdĭp mgi dih dưi mkŏ mjing mơ̆ng dŭm knơ̆ng bruă, klei amâo thâo bi djŏ Mi – China hmăi amâo jăk truh kơ klei êđăp ênang, bruă duh mkra Asi. Mđĭ kyar knơ̆ng bruă Asi hlăm klei mjĕ êrô dhar kreh…srăng dưi mkŏ mjing. Hluê anăn, dŭm ala čar Asi srăng bi mguôp kjăp hlăm bruă bi mdrơ̆ng hŏng dŭm klei lông dlăng mrâo hlăm alŭ wăl leh anăn tar rŏng lăn, mkŏ mjing wăl đĭ kyar đru mguôp kơ klei êđăp ênang leh anăn hơĭt kjăp hlăm alŭ wăl.

Y-Ƀel pô mblang