VOV4.Êđê - Klei bi kƀĭn phung khua phŭn bruă sang hră mơar ASEAN gưl 12 pŏk leh ti Hà Nội. Bruă anei dôk hlăm hdră bi kƀĭn phng khua phŭn bruă, khua prŏng hlăm bruă sang hră mơar ASEAN mâo Phŭn bruă sang hră mơar Việt Nam kiă kriê dôk hlăm gưl djŏ tuôr mơ̆ng klei hgŭm bruă sang hră mơar ASEAN mâo phŭn bruă sang hră mơar Việt Nam kiă kriê thŭn 2022 – 2023.

Hlăm klei bi kƀĭn anei phung khua phŭn bruă dŭm ala čar ASEAN bi trông kơ bruă sang hră mơar ti grăp ala čar, bi đru kơ hdră êlan mjuăt bi hriăm, lehanăn klei mđĭ kyar kjăp bruă sang hră mơ̆ng grăp ala čar, boh nik mđing kơ bruă sang hră mơar leh gưl klei ruă tưp Covid 19. Lehanăn hlue ngă jih jang hdră êlan mjuăt bi hriăm mơ̆ng ASEAN wưng thŭn 2021 – 2025, lehanăn lŏ trông čhai kơ lu bruă mkăn. Leh klei bi kƀĭn anei Khua phŭn bruă sang hră mơar Việt Nam Nguyễn Kim Sơn lŏ kiă kriê klei bi kƀĭn ASEAN +3 hŏng Dhŭng Korea; Japon; China tal 6, lehanăn klei bi kƀĭn gưl dlông Khua phŭn bruă sang hră mơar Ngŏ Asi ASEAN – EAS mâo ASEAN + 3 lehanăn dŭm ala čar Mi, Australia, Newzealnd, Russia, India tal 6./.

VOV TâyNguyên/ Pô mblang: Y-Khem Niê