Mkŏ mjing hlăm 2 hrue ti anôk bi kƀĭn dhar bruă gĭt gai bruă kƀĭn ala mă klei blŭ kơ dŭm klei čih mkra hdră bhiăn pioh ba mdah ti anôk bi kƀĭn tal 7. Hlăm anăn mâo 5 klei čih dưi mă klei blŭ truăn kơ bruă čih mkra jing, hdră bhiăn bi mklă hră mơar lŏ mlih mrâo, hdră bhiăn Công đoàn (lŏ mlih mrâo); hdră bhiăn bi kdơ̆ng hŏng klei tlĕ čhĭ mnuih, lŏ mlih mrâo, hdră bhiăn kiă kriê phao ktuang mnơ̆ng mtuh.

Tui si khua bruă kƀĭn ala, hdră bhiăn yang ƀuôn răng mgang wăl adiê, dưi mdưm hlăm hdră êlan kơ bruă răng mgang klei êđăp ênang lăn čar hlăm ênuk ară anei. Ti anôk bi kƀĭn anei, dhar bruă gĭt gai bruă kƀĭn ala mă klei blŭ kơ hdră mtrŭn bruă mă hŏng phung bi ala bruă kƀĭn ala truăn kơ bruă ti gưl dlông, knuă druh mnuih ngă bruă truăn kơ bruă dôk hlăm dhar bruă kƀĭn ala./.