Klei bi kƀĭn tal anei mđing kơ dua mta bruă prŏng, anăn jing bruă kơ klei bi kƀĭn prŏng Đảng tưl 14, lehanăn kơ bruă mkŏ mjing Đảng lehanăn kơ jih jang bruă kđi čar. Blŭ hrăm ti anôk bi kƀĭn, Khua gĭt gai Đảng Tô Lâm mñă, ti anôk bi kƀĭn tal anei, Êpul khua kiă kriê bruă Đảng gưl dlông srăng čoh čuăn kơ ênoh phung khua kiă kriê hlăm Phŭn bruă kđi čar, Khua hlăm êpul kiă kriê bruă Đảng gưl 14, lehanăn hrŏng ruah mnuih mŭt hlăm êpul bruă kđi čar, Êpul khua kiă kriê bruă Đảng gưl 14.

Jing bruă yuôm bhăn bi  klă kơ klei ruah mnuih, pioh mdưm hlăm êpul khua kiă kriê bruă Đảng, kñăm hlue ngă tŭ jing dŭm mta čuăn prŏng hĭn, bi klă kơ klei mđĭ kyar lăn čar hlăm wưng mrâo, snăn brei mâo hdră ruah bi kjăp hĭn, hŏng klei klă mngač. Khua gĭt gai Đảng lač, êngao kơ dŭm ênoh čuăn djŏ tui si hdră mtrŭn, phung khua kiă kriê gưl dlông mâo čoh čuăn leh klă mngač mơ̆ng klei bi kƀĭn gưl dlông  12 lehanăn 13 leh êgao, bruă ruah mnuih mŭt hlăm Phŭn bruă kđi čar, Êpul khua kiă kriê bruă Đảng gưl dlông 14 năng lŏ mñă kơ klei yuôm bhăn bi djŏ hŏng wưng bi mlih mrâo mơ̆ng Đảng, lehanăn lăn čar./.