Ti Anôk bi kƀĭn anei, bruă kƀĭn ala ruah khua lăn čar, ruah khua bruă kƀĭn ala, ksiêm dlăng bi mklă kơ 10 klei čih mkra hdră bhiăn, lehanăn bi klă lu bruă kơ klei duh mkra ala ƀuôn, klei kơ ngăn prăk, klei kăp ksiêm kơ djăp mta bruă yuôm bhăn. Ti anôk bi kƀĭn tal anei, mâo leh mnuih ƀuôn sang lehanăn lu phung bi ala dôk ktuê mđing, čưang hmăng kơ bruă kƀĭn ala mâo bi mklă lu bruă yuôm bhăn, boh nik hdră mtrŭn kơ hdră bhiăn lăn ala mâo klei tŭ dư̆n mơ̆ng hrue 1/7/2024. 

Mkŏ mjing klei bi kƀĭn êjai klei duh mkra ala čar adrei dôk tuôm hŏng lu klei dleh dlan, snăn mnuih ƀuôn sang lehanăn phung bi ala čang hmăng kơ anôk bruă kƀĭn ala mâo lu bruă klam, mđing trông čhai ruh mgaih jih klei dleh dlan kơ bruă duh mkra, ngă tŭ jing bruă duh mkra ala ƀuôn thŭn 2024, mjing aturr kjăp kơ bruă bi leh ênŭm mta kñăm wưng thŭn 2021 -2025.