VOV4.Êđê -  Aguah anei (15/2), pŏk leh klei bi kƀĭn tal 8, Dhar bruă gĭt gai bruă kƀĭn ala. Mkŏ mjing mơ̆ng hrue anei hlŏng truh kơ hrue 17/2, Dhar bruă gĭt gai bruă kƀĭn ala mâo klei blŭ kơ lu mta bruă yuôm bhăn. Msĕ si, dhar bruă kƀĭn ala mâo klei blŭ hlak mblang, tŭ mă, bi mlih hdră bhiăn kahan ksiêm knhăk, čih mkra, mlih mrâo thiăm mbŏ dŭm mta mơ̆ng hdră bhiăn kiă kriê klei mĭn, akâo thiăm mbŏ kơ hdră bhiăn mkă dlăng, mdrao mgŭn lŏ mlih mrâo hlăm bruă mkŏ mjing hdră bhiăn, klei bhiăn mtrŭn thŭn 2022. Bruă čih mkra hdră bhiăn mkă dlăng, mdrao mgŭn lŏ mlih mrâo mđing kơ 3 mta kñăm phŭn anăn jing: Mă mnuih ruă jing phŭn, čiăng kơ jih jang mnuih mâo mkă dlăng mdrao mgŭn hŏng klei jăk. Bi lar lu hdră mdrao mgŭn, rơ̆ng dưi mâo klei mtăp mđơr, plah wah dŭm anôk mkă dlăng mdrao mgŭn knŭk kna lehanăn êngao knŭk kna. Lehanăn bi mlih knhuah mdrao mgŭn, anăp truh kơ klei dlăng kriê jăk jih jang mnuih ruă./.

Y-Khem pô mblang