VOV4.Êđê - Blŭ hrăm ti anôk bi kƀĭn tal sa Êpul kiă krie ebruă mđĭ mlih hdră mă bruă mơ̆ng knŭk kna mkŏ mjing aguah mbrue (9/3). Khua knŭk kna Phạm Minh Chính jing khua kiă kriê êpul bruă anei mñă bi mâo klei hđuh ktang kơ bruă mđĭ mlih hdră mă bruă, boh nik hlăm klei ngă hră mơar hŏng phung ƀuôn sang, phung duh mkra, čiăng kơrŭ wĭt lehanăn dưn yua jih ai ktang mđĭ kyar lăn čar. Lŏ dơ̆ng ksiêm dlăng bruă klam, klei dưi đăm ôh bi mđĭ mđăl bruă knuă, bi hrŏ pô dôk krah wah. Khua knŭk kna mñă, klei bi kƀĭn anei jing yuôm bhăn êdi kơ bruă mđĭ mlih hdră êlan mă bruă hlăm thŭn êgao lehanăn thŭn anei, bi trông kơ dŭm klei bhiăn nga bruă. Klei mđĭ mlih hdră mă bruă jing bi hrŏ klei amâo mâo djŏ, klei bi dleh, boh nik kdơ̆ng hŏng klei ƀơ̆ng ngăn. Kơ bruă čuăn, Khua knŭk kna mtă, mđĭ hĭn bruă klam kơ pô djă akŏ, ngă hŏng klei kjăp, tŭ jing jih jang hdră kluôm, mđĭ mlih bruă knŭk kna wưng thŭn 2021 –2030./.

Y-Khem pô mblang