VOV4.Êđê -  Aguah mbrue (27/1), ti anôk dôk mkra êlan dơ̆ng pral Dưr – Dhŭng kdrêč Mai Sơn – Êlan dơ̆ng prŏng mrô 45, Phŭn bruă êlan klông mkŏ mjing klei bi ktưn “Yan mnga Nhâm Dần hlăm anôk dôk mkra êlan”, mâo mkŏ mjing hlăm grăp kdêč bruă dôk mkra êlan, tui si knơ̆ng bruă êlan klông dŭ mdiăng kiă kriê. Anei jing bruă prŏng mơ̆ng lăn čar, mâo ngă mbha hlăm dua gưl. Leh mkra ênŭm êlan dơ̆ng pral anei srăng jing êlan dŭ mdiăng jăk, mkŏ hŏng dŭm krĭng duh mkra phŭn, đru iêo jak klei duh bi liê lehanăn dưn yua jih hnơ̆ng klei găl, ai ktang mơ̆ng djăp alŭ wăl. Sa ai hŏng jih jang bruă mkra êlan jing gĭr kluôm hlămbruă anei. Êpul khua kiă kriê bruă mkra êlan Thăng Long, jing êpul êya bruă kăp kčĕ ksiêm dlăng pô mkra êlan mâo leh klei ƀuăn hlue nga bruă bi ktưn čiăng pral bi leh êlan dơ̆ng lehanăn dưi ba yua, mđĭ hĭn klei tŭ dưn bruă duh bi liê./.

Y – Khem pô mblang