VOV4.Êđê - Aguah mbrue (6/10), ti ƀuôn prŏng Ƀuôn Ama Thuôt, čar Daklak pŏk leh klei bi lông đeh kphê Việt Nam thŭn 2022(Vietnam Amazing Roast Master 2022) mơ̆ng êpul hgŭm kphê Ƀuôn Ama Thuôt mkŏ mjing, klei bi lông anei yap ti hnơ̆ng ala čar mâo truh 35 čô hriê bi lông mơ̆ng 13 boh čar, ƀuôn prŏng hlăm kluôm ala. Phung bi lông nao hlăm dŭm klei bi lông msĕ si thâo mkă tĭng hnơ̆ng jăk kphê asăr, thâo đeh kphê, thâo kar mkra kphê.

Klei bi lông anei mkŏ mjing mơ̆ng hrue 6-9/10/2022, hŏng klei hgŭm mơ̆ng Êpul kčĕ đru mâo 123 čô phung knhăk kơ kphê găn leh hlăm lu klei bi lông hŏng kphê. Êpul ksiêm dlăng brei puăng mâo 6 čô jing brei puăng kơ bruă đeh kphê, bruă kar Espresso hlăm anăn mâo 3 čô mơ̆ng ala tač êngao; 6 čô brei puăng đeh lehanăn kar hŏng fin./.

 VOVTâyNguyên/Pô mblang: Y-Khem Niê