Nao lehanăn blŭ pŏk knăm anei, Nguyễn Trọng Nghĩa, Khua kiă kriê bruă hâo hưn gưl dlông bi mni kơ dŭm boh tŭ dưn Sang mđung asăp blŭ Việt Nam, dŭm boh sang mđung asăp lehanăn mđung rup dŭm boh čar, ƀuôn prŏng, lehanăn jih jang phung knuă druh, mnuih ngă bruă hlăm anôk bruă mđung asăp Việt Nam mâo leh hlăm wưng êgao, lehanăn hơêč hmưi kơ phung čih mkra hdră mđung asăp ba bi lông dưi truh kơ klei hrŏng ruah gưl knhal tuič klei bi lông hdră mđung asăp blŭ kluôm ala tal 16.

Nguyễn Trọng Nghĩa mñă, hdră mđung asăp jing nanao kdrăp bi blah yuôm bhăn mơ̆ng Đảng, Knŭk kna, jing leh kdrông mkŏ plah wah Đảng, Knŭk kna hŏng mnuih ƀuôn sang, jing anôk bi blŭ hrăm čiăng kơ mnuih ƀuôn sang kăp ktue hmư̆ lehanăn iêp ksiêm, kiă kriê yang ƀuôn. Bruă mđung asăp brei mâo nanao klei bi mlih knhêč hĭn hlăm jih jang bruă hâo hưn, bi djŏ hŏng klei hdĭp mda ala ƀuôn, nao hlăm klei mlih mrâo nanao, mprăp kơ klei ba akŏ hlăm dŭm bruă prŏng, bruă mrâo, bruă dleh mơ̆ng lăn čar, hâo hưn hdră êlan mơ̆ng Đảng, klei bhiăn knŭk kna truh hŏng mnuih ƀuôn sang djăp ƀuôn êlan./.