VOV4.Êđê - Aguah mbruê, ti sang bruă kƀĭn ala, mkŏ mjing leh klei kƀĭn trông phung bi ala bruă kƀĭn ala bi trông kơ đa đa hdră mkăp klei bhiăn ba mdah hŏng bruă kƀĭn ala hlăm klei kƀĭn tal 3, bruă kbĭn ala gưl 15. Klei kƀĭn anei bi trông, brei boh blŭ kơ 4 hdră mkăp: Klei bhiăn mkra mlih, bi mbŏ đa đa mta hlăm klei bhiăn klei dưi kiă kriê mnơ̆ng dhơ̆ng, klei bhiăn bi lông, bi ktưn, pah mni (mkra mlih), klei bhiăn mdar rup (mkra mlih) leh anăn klei bhiăn mnia mblei ênua (mkra mlih).

Khua bruă kƀĭn ala Vương Đình Huệ brei thâo, hŏng klei mprăp kluôm ênŭm, mơ̆ng hnưm, mơ̆ng kbưi, leh bi ruê̆ klei kƀĭn tal 2, Dhar bruă gĭt gai bruă kƀĭn ala mâo leh klei ktrâo lač kơ dŭm anôk bruă mjêč bi leh, ngă jăk bruă hlăk mblang, mđing hmư̆ klei blŭ mơ̆ng phung bi ala bruă kƀĭn ala. Bruă mprăp ênŭm dŭm hdră mkăp êlâo kơ bruă kƀĭn ala bi klă, kñăm rơ̆ng hnơ̆ng tŭ jăk kơ dŭm hdră mkăp klei bhiăn, mbĭt anăn dưi mkiêt mkriêm jih hnơ̆ng mmông bi kƀĭn mơ̆ng dŭm gưl bi kƀĭn bruă kƀĭn ala.

Y-Ƀel pô mblang