Leh klei blŭ pŏk mơ̆ng Khua bruă kƀĭn ala Vương Đình Huệ, Khua knŭk kna Phạm Minh Chính hưn mdah klei bi klă bi mbŏ boh tŭ hdră mđĭ kyar bruă duh mkra ala ƀuôn leh anăn ngăn prăk knŭk kna thŭn 2022, boh sĭt hluê ngă hdră mđĭ kyar bruă duh mkra ala ƀuôn leh anăn ngăn prăk knŭk kna dŭm mlan akŏ thŭn 2023.

Khua dhar bruă mặt trận čar kwar Việt Nam Đỗ Văn Chiến hưn mdah klei hưn bi mguôp klei blŭ, klei akâo mơ̆ng phung bi ala leh anăn mnuih ƀuôn sang mơĭt kơ klei kƀĭn tal 5, Bruă kbĭn ala gưl 15. Khua êpul čung ba mnuih ƀuôn sang Dương Thanh Bình hưn mdah kơ boh tŭ bruă ksiêm dlăng mgaih msir klei akâo mơ̆ng phung bi ala mơĭt kơ klei kƀĭn tal 4, bruă kƀĭn ala gưl 15. Năng mđing hĭn, bruă kƀĭn ala mkăp mmông adôk hlăm mmông kƀĭng aguah leh anăn tlam hruê 22/5 čiăng kƀĭn hjăn kơ bruă mnuih mă bruă.