VOV4.Êđê - Aguah mbruê 19/9, ti sang bruă kƀĭn ala, Khua bruă kƀĭn ala Vương Đình Huệ gĭt gai leh anăn blŭ pŏk klei kƀĭn thơ̆ng kơ klei čih hdră klei bhiăn mlan 9/2022 mơ̆ng Dhar bruă kƀĭn ala čiăng mă boh blŭ kơ hdră klei bhiăn ngă bruă điện tử (mkra mlih). Mkŏ mjing hlăm 5 hruê mkrah, hlăm klei kƀĭn anei, Dhar bruă kƀĭn ala srăng brei klei blŭ kơ 7 hdră klei bhiăn, 2 hdră mtrŭn, hlăm anăn mâo hdră yua lăn (mkra mlih) čiăng hưn mdah hŏng bruă kƀĭn ala hlăm klei kƀĭn tal 4, bruă kƀĭn ala gưl 15.

Blŭ pŏk klei kƀĭn, Khua bruă kƀĭn ala Vương Đình Huệ brei thâo, Hdră klei bhiăn yua lăn (mkra mlih) mâo leh klei bi trông, brei klei blŭ hlăm klei gưl klei kƀĭn. Bruă kƀĭn ala bi trông hlăm klei kƀĭn tal 4 leh anăn ksiêm dlăng, bi klă hlăm klei kƀĭn tal 6 ti mlan 11/2023. Khua bruă kƀĭn ala Vương Đình Huệ lač klă, čiăng mprăp kơ bruă bi klă hdră klei bhiăn, ară anei Dhar bruă duh mkra leh anăn dŭm anôk bruă hlăm bruă kƀĭn ala mkŏ mjing leh lu klei kƀĭn.

Y-Ƀel pô mblang