VOV4.Êđê- Hruê mbruê 3/10, ti anôk bruă Đảng gưl dlông, Klei kƀĭn trông tal 6 mơ̆ng êpul khua bruă Đảng gưl dlông tal 13 klă klơ̆ng dưi pŏk kčưm ti gŭ klei gĭt gai mơ̆ng Khua gĭt gai Đảng Nguyễn Phú Trọng. Khua gĭt gai Đảng Nguyễn Phú Trọng pŏk leh 5 boh klei čiăng kơ gưl dlông bi trông. Hlăm anăn, boh klei tal êlâo jing ksiêm dlăng boh sĭ klei duh mkra ala ƀuôn, ngăn prăk knŭk kna thŭn 2022, mĭn tĭng hdră mđĭ kyar bruă duh mkra ala ƀuôn, ngăn prăk ala čar thŭn 2023, Khua gĭt gai Đảng Nguyễn Phú Trọng mñă klă, Gưl dlông ksiêm dlăng klă nik klei hưn mdah, hră hưn mdah mơ̆ng Êpul khua bruă Đảng hlăm knŭk kna leh anăn boh sĭt hlăm dŭm phŭn, dhar bruă, alŭ wăl ngă bruă, kñăm bi trông, hlăk mblang klă dŭm klei êdah hĭn hlăm thŭn 2022, bi klă dŭm bŏ tŭ dưn mâo, dŭm klei dleh kpăk, awăt êdu, đăo knăl kơ êdei anăp.

Kñăm bi mklă hŏng dŭm mta kñăm, bruă klam bi êdah leh čiăng gang mkhư̆, ksiêm dlăng tŭ dưn klei ruă tưp, krŭ wĭt leh anăn mđĭ kyar bruă duh mkra ala ƀuôn, boh nik jing ksiêm dlăng klei prăk luč ênoh, rơ̆ng kjăp bruă duh mkra hnơ̆ng prŏng, rơ̆ng klei hơĭt yang ƀuôn.

                                          Pô mblang: Y-Ƀel Êban