VOV4.Êđê- Tlam hruê 24/1, ti Hà Nội, Êpul êdam êra gưl dlông Cộng sản Hồ Chí Minh, Êpul bruă Plan International Việt Nam bi hgŭm mkŏ mjing Knăm pŏk ngă hdră hâo hưn mtô mblang “Phung êdam êra jăk - Amâo kah mbha êkei mniê”. Nao hlăm klei bi kƀĭn mâo K’iăng Khua Dhar bruă dhar kreh, mtô bi hriăm mơ̆ng Bruă kƀĭn ala. Hdră hâo hưn mtô mblang “Phung êdam êra jăk - amâo kah mbha êkei mniê” dưi mbha 4 wưng hŏng dŭm akŏ “Bruă  hlăm sang amâo djŏ hjăn kơ sa čô ôh”, “Hrăm mbĭt kah mbha bruă klam ngăn prăk hlăm gŏ sang”, “Bruă knuă jing klei ruah, amâo jưh kơ êkei mniê”, “Phung mniê ăt dưi jing khua gĭt gai tŭ jing”. Hdră dưi pŏk ngă hlăm kluôm ala, mơ̆ng ară anei truh mlan 11/2022 hŏng hdră tlă anăp leh anăn online mơ̆ng bruă mjĕ êrô hŏng phung mâo klei bi hmô, mčeh klei mmuiñ kơ hdră, mkŏ mjing klei bi kƀĭn, hriăm mjuăt klei thâo kơ phung êdam êra ti dŭm čar, ƀuôn prŏng leh anăn Fanpage “Phung êdam êra jăk” hlăm facebook.

Pô mblang: H’Zawut Ƀuôn Yă