VOV4.Êđê- Lŏ dơ̆ng hlămklei bi kƀĭn tal 14, aguah mbrue (11/8), ti gŭ klei kiă kriê mơ̆ng khua bruă kƀĭn ala Vương Đình Huệ, jih jang phung khua prŏng hlăm dhar bruă gĭt gai bruă kƀĭn ala nao ti anôk bi kƀĭn bi tŭ ư leh 2 hdră mtrŭn kơ: Kơ kle imkŏ mjing wăl krah Bình Phú, kdriêk Cai Lậy, čar Tiền Giang, mkŏ mjing wăl krah Chơn Thành, lehanăn mkŏ mjing dŭm boh ƀuôn hgŭm hlăm wăl krah Chơn Thành, čar Bình Phước. Bi tŭ ư bi mklă kơ 2 hdră mtrŭn, ƀiădah Dhar bruă gĭt gai bruă kƀĭn ala mtă, hŏng wăl krah Chơn Thành bi êdah klă jih jang bruă hlăm êpul kiă kriê pô, hlue nga bi djŏ hŏng hdră mtrŭn. Êjai dôk hlue ngă hdră mtrŭn mrô 06 mơ̆ng phŭn bruă kđi čar kơ klei čuăl mkă lehanăn mđĭ kyar kjăp krĭng ƀuôn prŏng Việt Nam truh thŭn 2030, lehanăn tă hdră hlŏng truh kơ thŭn 2045, Dhả rbruă gĭt gai bruă kƀĭn ala mtă kơ knŭk kna ksiêm jih jang dŭm boh kdriêk hlăm kluôm ala, ti kdriêk ka mâo ôh wăl krah snăn bi mkŏ mjing mâo hdră duh bi liê đru kơ alŭ wăl bi leh djăp mta hră mơar ba mdah hŏng dhar bruă gĭt gai bruă kƀĭn ala, čiăng kơ pral dưi bi leh ênŭm jih jang djăp kdriêk hlăm kluôm ala mâo wăl krah sơăi./.

Pô mblang: Y-Khem Niê