VOV4.Êđê-  Anôk kriê dlăng bruă ala čar gĭt gai hdră mdrơ̆ng hŏng klei yan adiê ngă mâo leh Hră m’ĭt kơ Anôk gĭt gai hdră mdrơ̆ng lehanăn tui duah, đru dŏng mnuih mâo klei truh čar Kon Tum, dŭm Phŭn bruă, mâo: Lŏ hma mđĭ kyar krĭng ƀuôn sang, Tuh tia mnia mblei, Êpul group pui kmlă Việt Nam, Knơ̆ng ksiêm dlăng kơ lăn ala hlăm hdră mdrơ̆ng hŏng klei mgei lăn ti čar Kon Tum. Hluê klei hưn mơ̆ng Knơ̆ng ksiêm dlăng kơ lăn ala, Knơ̆ng bruă Kreh knhâo Việt Nam, hruê 23/8 mâo leh 4 klei mgei lăn ti kdriêk Kon Plŏng, čar Kon Tum, hlăm anăn mâo 1 klei mgei lăn truh 4,7 độ rích re. Čiăng mâo hdră mdrơ̆ng, bi hrŏ klei luič liê kyua klei mgei lăn ngă, Anôk bruă anei mtă kơ Kon Tum, dŭm phŭn, dhar bruă djŏ tuôm tĭng dlăng klă klei hmăi mơ̆ng klei mgei lăn ngă kơ pưk sang, anôk mă bruă, sang hră, anôk bruă nah gŭ, pral msir mghaih klei jhat rai, rơ̆ng klei êđăp ênang, mprăp mnuih mă bruă, kdrăp mnơ̆ng kñăm mdrơ̆ng lehanăn msir mghaih tơdah lŏ mâo klei truh msĕ snei./.

                                                    Pô mblang: H’Nêč Êñuôl