Klei pui ƀơ̆ng anei hlăk krah mlam 0h46' hrue 24/5. Kahan ksiêm ƀuôn prŏng tiŏ nao leh truh 50 čô knuă druh, kahan ksiêm truh kơ anôk pui ƀơ̆ng, hgŭm hŏng dŭm êpul êya mkăn hlăm bruă sang čư̆ êa lehanăn mnuih ƀuôn sang ti alŭ wăl mkŏ mjing klei truih mdjiê pui. Truh 0h52’, dŭm êpul êya mâo truh kơ anôk pui ƀơ̆ng, ngă klei truih mdjiê, gang pui ling lar, lehanăn dŏng mnuih mơ̆ng sang pui ƀơ̆ng.

Klei pui ƀơ̆ng anei hlăk đĭ ktang dôk ƀơ̆ng lu boh êdeh p'phŭt, êdeh wai bi êran hŏng pui kmlă, êdeh wai jơ̆ng ti wăl sang, săp pui lehanăn êwa jhat đung bŏ alŭ wăl. Êpul đru dŏng mâo nao mŭt hlăm sang pui ƀơ̆ng, lehanăn mâo dŏng mtlaih truh 7 čô mnuih, hlăm anăn mâo 3 čô mnuih êka ba kơ sang êa drao. Truh 01h26’, klei pui ƀơ̆ng anăn dưi mkhư̆ jih. Leh ksiêm, ka klă ênŭm êpul đru dŏng mâo ƀuh truh 14 čô mnuih djiê./.