Quảng Ninh lŏ dơ̆ng krơ̆ng jing anôk ba akŏ dăl hlăm thŭn tal 7 hŏng ênoh 71,25 puăng djă akŏ PCI
Thứ sáu, 08:25, 10/05/2024
VOV Tây Nguyên
VOV Tây Nguyên
VOV4.Êđê- Aguah mbrue (9/5), ti Hà Nội, Êpul hgŭm duh mkra mnia mblei lehanăn tuh tia Việt Nam (VCCI) mkŏ mjing leh klei bi êdah kơ ênoh ai bi ktưn ti gưl čar (PCI) lehanăn ênoh mtah doh ti gưl čar (PGI) 2023. Thŭn anei čar Quảng Ninh lŏ dơ̆ng krơ̆ng nanao ti thŭn tal 7 leh hŏng ênoh 71,25 puăng ba akŏ PCI.
Klei hâo mdah ai bi ktưn ti gưl čar (PCI) lehanăn ênoh mtah doh ti gưl čar (PGI) 2023 tui si klei wĭt lač mơ̆ng bruă ksiêm mkă anôk duh mkra mnia mblei thŭn 2023 lehanăn boh mơ̆ng klei ksiêm êmuh êbeh 10.000 phung duh mkra hlăm kluôm ala.
Thŭn anei, čar Quảng Ninh lŏ dơ̆ng krơ̆ng kơ ênoh ba akŏ dăl hlăm 7 thŭn leh kơ PCI, leh kơ anăn jing Long An, Hải Phòng, Bắc Giang, Đồng Tháp. Blŭ hrăm ti anôk bi êdah anei, Khua kiă kriê VCCI Phạm Tấn Công lač, hŏng bruă mkŏ mjing lehanăn bi êdah kơ PGI mbĭt hŏng ênoh PCI, VCCI čang hmăng djăp alŭ wăl mđĭ mlih klei duh mkra mnia mblei hŏng klei kjăp hĭn, kñăm mđing kơ klei mđĭ kyar bruă duh mkra mguôp hŏng bruă răng mgang wăl hdĭp mda./.
Viết bình luận