Klei bi kƀĭn hưn mdah 85 čô bi ala Êpul gơ̆ng bruă ƀuôn sang čar mâo phung bi ala kơ mnuih ƀuôn sang ruah, mbĭt anăn ngă klei ruah anăn phung khua gĭt gai. Boh tŭ,  Rah Lan Chung, K’iăng  Khua dlăng bruă đảng čar Gia Lai, lŏ djŏ ruah Khua Êpul gơ̆ng bruă ƀuôn sang čar, Trương Văn Đạt leh anăn Huỳnh Thúy Vân djŏ ruah K’iăng Khua Êpul gơ̆ng bruă ƀuôn sang čar.

Blŭ hrăm ti anôk bi kƀĭn, Khua dlăng bruă Đảng čar Gia Lai Thái Đại Ngọc mñă klă wưng 2025-2030, Gia Lai kčah klei kñăm đĭ kyar GRDP 10% truh 10,5%/thŭn, jing anôk mkŏ hdră bruă plah wah Lăn Dap Kngư Dhŭng kwar Krah hŏng dŭm  krĭng bruă duh mkra krĭng wăl. Čiăng hlue ngă klei kñăm anei, Êpul gơ̆ng bruă ƀuôn sang čar Gia Lai brei lŏ dơ̆ng mlih mrâo, mđĭ hnơ̆ng jăk klei bi kƀĭn; kƀĭn mâo klei bhiăn,hdră êlan êdah kdlưn iêô jak duh bi liê, mđĭ kyar anôk bruă nah gŭ, mlih mrô leh anăn kreh knhâo - kdrăp mrâo.