Aguah mbruê 27/8, Êpul gơ̆ng bruă ƀuôn sang čar Gia Lai gưl 12, wưng thŭn 2021 – 2026 mkŏ mjing klei kƀĭn tal 21 čiăng ruah mdưm khua bruă sang čư êa čar. Hlăm klei kƀĭn, Hồ Văn Niên – Khua hlăm êpul bruă Đảng gưl dlông, khua bruă Đảng čar, khua Êpul gơ̆ng bruă ƀuôn sang čar Gia Lai bi ala kơ Êpul khua Êpul gơ̆ng bruă ƀuôn sang čar dlăng hră hưn mdah mnuih mă bruă păn ngă khua bruă sang čư êa čar Gia Lai gưl 12, wưng thŭn 2021 – 2026.

Hluê anăn. Rah Lan Chung – K’iăng khua bruă Đảng čar Gia Lai wưng thŭn 2020 – 2025, pô bi ala Bruă Kƀĭn Ala čar, dưn ruah mdưm păn ngă khua bruă sang čư êa čar Gia Lai wưng thŭn 2021 – 2026. Leh kơnăn mtam, Rah Lan Chung mâo phung bi ala Êpul gơ̆ng bruă ƀuôn sang čar đăo knang ruah ngă khua bruă sang čư êa čar Gia Lai hŏng 100% hră plĕ.