VOV4.Êđê - Hruê 15/3, Anôk bruă mkŏ mjing gưl dlông mkŏ mjing leh Klei bi kƀĭn pŏk hluê ngă Klei kčah mtrŭn mrô 58 mơ̆ng Phŭn bruă kđi čar kơ “Dŭm hdră răng mgang bruă kđi čar hlăm Đảng” lehanăn mă klei blŭ kơ klei čih mkra Hră ktrâo lač hluê ngă klei Kčah mtrŭn. Klei kčah mtrŭn mrô 58 kơ klei răng mgang bruă kđi čar hlăm Đảng mâo 7 mta mrâo, hlăm anăn năng mđing jing kčah mtrŭn thiăm mbŏ hnơ̆ng kčah mkŏ dăp phung knuă druh, đảng viên mâo boh klei bruă kđi čar ƀiădah amâo ngă soh hŏng klei Kčah mtrŭn anei.

 Blŭ hrăm ti anôk bi kƀĭn, Trương Thị Mai – Khua anôk bruă mkŏ mjing gưl dlông mñă: Răng mgang bruă kđi čar hlăm anôk bruă jing hdră yuôm bhăn, dôk čiăng klei kjăp, mđing răng čiăng rơ̆ng kjăp bruă kđi čar amâo djŏ bruă kơ Đảng ƀiădah anei jing bruă klam yuôm bhăn mơ̆ng phung knuă druh, đảng viên. Kyua anăn, brei lŏ dơ̆ng ksiêm dlăng, mjing klei sa ai hlăm bruă msir mghaih boh klei dôk mâo sĭt./.

H’Nêč pô mblang