Rơ̆ng čiăng bi mâo djăp ê ayua hlăm yan không anei ti Daklak
Thứ sáu, 00:00, 22/03/2024
VOV TAYNGUYEN
VOV TAYNGUYEN
VOV4.Êđê- Ară anei, hlăk hlê hlăm krah yan bhang không ti Daklak, klei mnuih ƀuôn sang čiăng kơ ê ayua jing prŏng. Anôk bruă êa pơ̆ng čar hlăm mprăp djăp mnuih ngă bruă, mnơ̆ng mă bruă čiăng dưi mâo mkăp djăp êa yua kơ mnuih ƀuôn sang.
Anôk bruă êa pơ̆ng čar Daklak hlăk dôk kiă kriê lehanăn bi êran truh 44/128 anôk bruă mkăp êa kơ čar, kñăm mkăp djăp êa yua kơ êbeh 33.100 pô blei êa yua. Čiăng kơ bruă mkăp êa djăp nanao. Snăn anaôk bruă êa pơ̆ng čar Daklak mâo leh hră mtrŭn truh kơ djăp alŭ wăl pioh êa kơ bruă yua hlăm klei hdĭp tal êlâo, lehanăn mtă kơ knơ̆ng bruă pui kmlă čar đu hŏng dŭm anôk mkăp êa.
Phạm Ngọc Bình, Khua anôk bruă êa pơ̆ng čar Daklak lač, jih jang êpul êya hlăm čar nao hlăm hdră êlan mă bruă kăp hâo mdah hlăm grăp hrue, ksiêm lehanăn mkra wĭt kdrăp mkăp êa, mghaih msir pral ti anôk amâo mâo jăk, čiăng kơ bruă mkăp êa yua aguah tlam amâo mâo klei gun kpăk ôh./.
Viết bình luận