Hlue si Knơ̆ng bruă sang čư̆ êa car Lâm Đồng, kyua yan adiê amâo găl jăk, adiê hjan prŏng hŏng êlan kčŭn čư̆ Prenn Đà Lạt dleh găn êrô, čư̆ dlông, hnơ̆ng bi kpleh guê gang êlan nah dlông - nah gŭ prŏng, ênưih mâo klei klưh hroh lăn leh anăn huĭ amâo êđăp ênang hlăm bruă rŭ mdơ̆ng. Čiăng kơ hdră bruă bi leh djŏ si hdră kčah, rơ̆ng êđăp ênang hlăm klei ngă bruă, Knơ̆ng bruă sang čư̆ êa čar Lâm Đồng mtă kơ Anôk bruă kriê dlăng hdră bruă êlan klông čar mđĭ kơ anôk bruă rŭ mdơ̆ng ba yua jih hnơ̆ng mnuih mă bruă, kdrăp mnơ̆ng mđĭ pral hnơ̆ng ngă bruă.

Hlăm anăn, hlue ngă bi jăk hdră msir răng mgang mă bruă, dăp êpul bi rŭ mdơ̆ng bi djŏ guôp čiăng hmao đru, hưn brei răng tơdah mâo klei truh. Mbĭt hŏng anăn, êlan klông, pui kmlă mtrang, anôk bruă nah gŭ, êlan đru dŏng… čiăng ba yua ktuê êlan mơ̆ng Wăl hiu čhưn ênguê drai Datanla truh akŏ kčŭn čư̆ Prenn (bi knông hŏng kdrŭn êdeh čar) êlâo hruê 30/07/2023.