VOV4.Êđê- Phŭn bruă lŏ hma leh anăn mđĭ kyar krĭng ƀuôn sang mrâo mâo Asăp mtrŭn kơ bruă mkŏ mjing Tết Nguyên đán Nhâm Dần 2022.  Hluê anăn, Khua phŭn bruă lŏ hma leh anăn mđ kyar krĭng ƀuôn sang mtă kơ dŭm anôk bruă hlăm Phŭn bruă leh anăn Knơ̆ng bruă lŏ hma leh anăn mđĭ kyar krĭng ƀuôn sang dŭm čar, ƀuôn prŏng hlăm gưl dlông ngă bi jăk dŭm hdră msir ksiêm dlăng, ktuê dlăng anôk ba čhĭ hlăm ala čar, boh nik mnơ̆ng ƀơ̆ng doh ti dŭm anôk sang mnia phŭn mnơ̆ng dhơ̆ng lŏ hma, anôk mkra mjing mnơ̆ng ƀơ̆ng, djam tam, boh kroh kơ yan Têt; đŭ bi kmhal klei ngă soh kñăm rơ̆ng hnơ̆ng jăk, mnơ̆ng ƀơ̆ng doh pioh kơ klei čiăng ba yua hlăm gưl Tết Nguyên đán.  Ktuê dlăng boh klei mkăp mnơ̆ng ƀơ̆ng huă, mnơ̆ng yua aguah tlam hlăm gưl Tết čiăng mâo hdră msir ngă bruă amâo brei kƀah mnơ̆ng dhơ̆ng, mđĭ ênoh, rơ̆ng djăp klei čiăng yua mnuih ƀuôn sang êlâo, hlăm leh anăn êdei Têt Tết Nguyên đán. Mbĭt anăn, mđĭ mkra mjing, dŭ mdiăng, ba čhĭ leh anăn čhĭ kơ ala tač êngao mnơ̆ng dhơ̆ng lŏ hma hlăm boh klei gang mkhư̆ klei ruă Covid-19.

Pô mblang: H’Zawut Ƀuôn Yă