Hồ Xuân Trường kkiêng thŭn 1979, ƀuôn sang ti čar Phú Thọ, hriăm Thạc sỹ Xã hội học. Êlâo adih, Trường mă bruă ti Anôk bruă Đảng Êpul dŭm anôk bruă duh mkra gưl dlông, păn ngă Khua bruă Đảng êpul, Khua Anôk bruă mtô bi hriăm bruă kđi čar, Khua Adŭ bruă, Khua Anôk bruă mkŏ mjing, Kơiăng khua Êpul bruă Đảng anôk bruă duh mkra gưl dlông.

Blŭ ti knăm anei, Phan Thăng An, Kơiăng khua Anôk bruă mkŏ mjing gưl dlông mtă kơ Hồ Xuân Trường lŏ dơ̆ng mđĭ lar klei thâo mơ̆ng pô hrăm mbĭt hŏng Anôk kriê dlăng bruă Đảng čar Dak Nông; hgŭm mguôp, mlih mrâo, hluê ngă tŭ dưn Hdră mtrŭn Klei bi kƀĭn phung bi ala bruă Đảng čar Dak Nông./.