Blŭ hrăm ti anôk bi kƀĭn, Khua bruă kƀĭn ala Trần Thanh Mẫn,  Khua Êpul gơ̆ng ruah khua ala čar bi mklă klei ruah khua tŭ jing leh jăk siam, klă sĭt jing gưl bi kƀĭn kđi čar êlam, knăm mơak prŏng kơ jih jang mnuih ƀuôn sang, mâo klei mđing hlăm ala čar leh anăn ala tač êngao bi mni. Boh tŭ, phung bi ala kluôm ala ruah leh ênŭm 500 čô bi ala Bruă kƀĭn ala, 2.552 čô bi ala Êpul gơ̆ng bruă ƀuôn sang gưl čar leh anăn 72.438 čô bi ala Êpul gơ̆ng bruă  ƀuôn sang gưl să.

Dŭm ênoh mrô anei brei ƀuh bruă mprăp kơ mnuih mă bruă dưi ngă kjăp, êngiê, djŏ klei kčah klei bhiăn. Anei ăt jing klei kruăk knăl yuôm bhăn hlăm hdră bi leh Knŭk kna mâo klei dưi yang ƀuôn ngă phŭn mơ̆ng yang ƀuôn, kyua yang ƀuôn, mbĭt anăn mđĭ mlih mrâo êpul mă bruă, ba yua knŭk kna alŭ wăl dua gưl leh anăn mđĭ mlih mrô, yua kdrăp mrâo hlăm klei kriê dlăng ala ƀuôn.