Knăm bi hdơr 70 thŭn hruê mblah dưi Điện Biên Phủ jing hdră bruă yuôm bhăn mơ̆ng kluôm Đảng, jih jang mnuih ƀuôn sang leh anăn lĭng kahan kñăm hâo hưn, mtô bi hriăm kơ boh tŭ dưn, kơhưm, klei yuôm bhăn hƀuê ênuk mơ̆ng klei bi blah dưi “Mgei lăn ala”. Hluê si hdră kčah, Knăm ruê̆ kahan hlăm hdră bi hdơr srăng mkŏ mjing ti hruê 7/5/2024 ti wăl tač mjuăt asei mlei čar Điện Biên hŏng klei nao hgŭm mơ̆ng lu êpul êya msĕ si: Lĭng kahan, kahan ƀuôn, kahan ksiêm, êpul êya mnuih ƀuôn sang…

Mbĭt hŏng anăn jing dŭm êpul êya bi msiam hlăm wăl tač. Hlăm knăm ruê̆ kahan mĭn tĭng srăng mâo 9 boh êdeh phiơr dak wak ba hla čhiăm gru Đảng, hla čhiăm gru lăn čar phiơr găn knưng bi hdơr, 4 êpul anôk bi hdơr, 24 êpul lĭng kahan, 9 êpul mnuih ƀuôn sang leh anăn phung kdŏ mmuñ.