Anăn jing adei Siu Sam Ban, dôk hriăm adŭ 6A2, sang hră gưl 1 leh anăn gưl 2 Nguyễn Du, să Dun, kdriêk Čư̆ Sê. Êlâo kơnăn, hlăm brô 12 mmông krah yang hruê dơ̆ng hruê 20/5, hmao ƀuh adei Siu Si Ôn, k’kiêng thŭn 2017  leh anăn adei Kpuih Nhăn, k’kiêng thŭn 2014 dôk mgăt hnoh êa Ia Pêt, hnoh êa ti să Dun, Adei Siu Sam Ban hlŏng kdâo mă 2 čô hđeh anăn.

Leh hmư̆ klei anei, Sang hră gưl 1 leh anăn gưl 2 Nguyễn Du mâo leh klei pah mni kơ bruă ngă jhŏng anei mơ̆ng adei Siu Sam Ban leh anăn mtă kơ jih jang phung hđeh amâo mâo nao mnei, hlăp lêñ ti anôk mâo hnoh êa, ênao êa. Adŭ bruă mtô mjuăt bi hriăm kdriêk Čư̆ Sê ăt dôk bi mguôp hŏng bruă đoàn kdriê čiăng mkŏ mjing klei êmuh čuă, mđĭ ai leh anăn mđup brei hră pah mni kơ adei Siu Sam Ban kyua bruă ngă jhŏng anăn dưi đru dŏng 2 čô hđeh mơ̆ng klei mngăt êa.