Hlăm 3 klei truh mngăt êa ngă 6 čô djiê mâo 2 boh klei mâo ti alŭ wăl ƀuôn prŏng Kon Tum ngă 3 čô hđeh djiê lehanăn 1 klei mâo ti să Hơ Moong, kdriêk Sa Thầy ngă 1 čô mnuih prŏng lehanăn 2 čô hđeh djiê. Klei truh giăm hĭn mâo hlăm hruê 15/8/2024 ti alŭ 5, să Đoàn Kết, ƀuôn prŏng Kon Tum ngă 2 čô hđeh djiê. Hlăk anăn, 3 čô hđeh, mâo: Y La (17 thŭn); Y Luyẽn (16 thŭn) lehanăn Y Lơi (14 thŭn) dôk ti alŭ Kon Rờ Bàng 1, să Vinh Quang, ƀuôn prŏng Kon Tum nao buč êđai mdiê ti kdrăn lŏ alŭ 5, să Đoàn Kêt.

Êjai nao rao mdiê ti ênao êa mơ̆ng gŏ sang Đặng Châu Phong snăn Y La lehanăn Y Luyẽn ksak jơ̆ng lĕ hlăm êa, hlŏng mngăt. Mbĭt hŏng hdră tui duah, đru dŏng mnuih mâo klei truh, bruă knŭk kna, êpul êya, alŭ wăl ti anôk mâo klei truh nao čuă êmuh, mđĭ ai gŏ sang mâo klei truh. Mbĭt anăn, mđĭ hdră mtô mblang, hưn brei răng kơ klei truh djiê mngăt êa ti alŭ wăl./.