Mơ̆ng aguah, dŭm êpul nao bi mdoh leh wăl hdĭp mda, huai mdoh lŭ lăn, lŏ pŏk êlan alŭ, ƀuôn, đru dŭ mdiăng mnơ̆ng yua kơ dŭm gŏ sang dôk bi ktlah, đru kơ mnuih ƀuôn sang mkra dŭm hdră đru kơ ala ƀuôn, mkra pưk sang, brư̆ bi hơĭt klei hdĭp leh klei adiê hjan êa lip ngă. Truh ară anei, dua kdrêč êlan amâo dưi êrô êlâo kơnăn ti êlan dơ̆ng čar mrô 1 dưi găn leh.

Anôk bruă mdrao mgŭn alŭ wăl nao ksiêm dlăng, mbha êa drao amâo liê prăk kơ mnuih ƀuôn sang mbĭt anăn ba nao leh sa čô hđeh ruă mơ̆ng krĭng bi ktlah ba dŏng mdrao ti sang êa drao. Nguyễn Cảnh Tùng, Khua anôk bruă sang čư̆ êa să Ƀuôn Đon brei thâo, bruă knŭk kna dôk đru prăk ti dŭm anôk mnuih ƀuôn sang dôk êjai, mprăp mŭng, abăn, mnơ̆ng yua, êa drao gŭn kơ mnuih ƀuôn sang. Tĭng dŭm hruê ti anăp, mnuih ƀuôn sang dưi lŏ wĭt hŏng klei hdĭp aguah tlam, bi hơĭt klei hdĭp./.