VOV4.Êđê- Aguah hruê 22/2, mkŏ mjing leh Knăm bi klă hră m’ar bi hdơr hgŭm bruă mđĭ kyar Sang maĭ thâo mĭn plah wah Phŭn bruă tuh tia mnia mblei lehanăn Samsung Việt Nam” hŏng mta kñăm mjuăt bi hriăm 100 čô thơ̆ng kơ bruă Việt Nam lehanăn đru kčĕ, mkra mđĭ 50 anôk bruă duh mkra ba yua Sang maĭ thâo mĭn hlăm 2 thŭn, 2022 – 2023 kñăm mđĭ klei thâo mơ̆ng êpul thơ̆ng kơ bruă đru kčĕ hlăm ala čar, mkra mđĭ klei thâo ba yua kdrăp hâo hưn ênuk mrâo hlăm bruă duh mkra mơ̆ng dŭm anôk bruă.

Blŭ hrăm ti knăm anei, Khua phŭn bruă tuh tia mnia mblei Nguyễn Hồng Diên lač snei, bruă ba yua dŭm kdrăp mrô hlăm sang maĭ amâo djŏ srăng mkŏ mjing hdră mkăp mrô lehanăn čŏng ngă bruă, ƀiădah čiăng êdi klei bi hgŭm hlăm djăp bruă hlăm lam lehanăn êngao anôk bruă duh mkra, mơ̆ng bruă čih mkra hdră kčah truh kơ bruă hrui blei./.

                                                   Pô mblang: H’Nêč Êñuôl