VOV4.Êđê- Hrue mbrue (15/9), ti ƀuôn prŏng Pleiku, sang êa drao prŏng čar Bình Định lehanăn sang êa drao prŏng čar Gialai mkŏ mjing leh klei kuôl kă bi đru mdrao mgŭn, lehanăn ba yua kdrăp mrâo mrang hlăm bruă mdrao mgŭn. Hlăm anăn mâo kdrăp DSA ênuk mrâo. Kdrăp anei ba yua tia X pioh mă rup aruăt êrah hlăm asei mlei, lehanăn đru kơ bruă mdrao klei ruă hlăm aruăt êrah, dưi yua hŏng kdrăp anei amâo mâo guôn lŏ bliah ôh. Ară anei kdrăp DSA mâo mkŏ mdưm ti anôk mdrao klei ruă kboh, sang êa drao prŏng Gialai.

Phạm Bá Mỹ khua kiă kriê sang êa drao anei lač, klei bi hgŭm bruă mdrao mgŭn anei srăng đru kơ Gialai mâo klei găl hĭn dưi ba yua kdrăp mdrao mgŭn mrâo mrang, pral hĭn pioh mdrao kơ mnuih ruă hlăm čar, lehanăn bi hrŏ mơh klei lŏ đuĕ nao mdrao kơ gưl nah dlông./.

Pô mblang: Y-Khem Niê