Khua sang mđung asăp blŭ Việt Nam Đỗ Tiến Sỹ brei thâo sui hŏng anei ƀiă hruê kăm, Sang mđung asăp blŭ pŏk ngă leh mguôp ƀiă êdi 1 hruê mă bruă, hrui mă giăm 500 êklăk prăk mơĭt kơ Knơ̆ng bruă mặt trận čar kwar Việt Nam đru kơ mnuih ƀuôn sang krĭng êa lip. Gưl ngă bruă tal anei lŏ dơ̆ng mtrŭt mjhar knuă druh, phung ngă bruă klei mrâo leh anăn phung mă bruă hlăm kluôm Sang mđung asăp hrăm mbĭt đru mguôp, dlăng anei jing bruă klam, klei jăk siam kñăm lar bra ai tiê bi khăp bi đru êpul êya.

Sang mđung asăp srăng mđĭ ktang hră klei mrâo kñăm lač klă sĭt kơ klei gĭr kơrŭ wĭt bruă mkra mjing, bi doh êlan sang hră adŭ hriăm, kriê dlăng mdrao mgŭn, gang mkhư̆ klei ruă tưp leh anăn hrăm mbĭt mơ̆ng bruă sang čư̆ êa, anôk bruă duh mkra, êpul bruă lu ala čar, đru kơ mnuih ƀuôn sang dưi găn klei dleh dlan.