Hơêč hmưi 99 thŭn Hruê bruă klei mrâo cách mạng Việt Nam, phung khua dŭm anôk bruă ba mơĭt leh asăp hơêč hmưi jăk siam truh kơ phung knuă druh, phung khua kiă kriê lehanăn êpul mă bruă klei mrâo mơ̆ng Sang mđung asăp blŭ Việt Nam.

Khua knơ̆ng Sang mđung asăp blŭ Việt Nam Đỗ Tiến Sỹ brei thâo, Sang mđung asăp blŭ Việt Nam dôk mâo lu klei bi mlih čiăng mkŏ mkra jing sa Anôk bruă klei mrâo phŭn, mâo lu hdră, lu klei blŭ jing sa anôk bruă kjăp ktang hlăm bruă mđung ásăp, bruă hâo hưn mrô sa mŏng ala čar, mâo kơhưm ti krĭng wăl lehanăn tar rŏng lăn. Sang mđung asăp blŭ Việt Nam dôk gĭr bi mlih jing bruă klei mrâo mrô hluê hŏng 3 mta phŭn jing” Boh phŭn mrô, hưn mthâo mrô lehanăn mnuih ƀuôn sang mrô, dlăng anei jing sa hdră msir yuôm bhăn bi mklă lehanăn đĭ kyar mơ̆ng anôk bruă klei mrâo, hlăm anăn mâo Sang mđung asăp blŭ Việt Nam hlăm wưng mrâo./.