Hră bi hdơr anei dưi siñê mơ̆ng Khua phŭn bruă mđĭ kyar hơĭt kjăp lehanăn Wăl hdĭp mda hlŏng ngă Khua phŭn bruă ksiêm dlăng klei bi mjĕ hlăm bruă Mnia mblei Singapore Gờ-Rêyx Phu (Grace Fu), lehanăn Khua phŭn bruă Tuha tia mnia mblei Việt Nam Nguyễn Hồng Diên. 

Hră bi hdơr hgŭm bruă jing tur knơ̆ng mtrŭt mđĭ hdră mnia mblei braih đĭ kyar hơĭt kjăp, đru rơ̆ng kjăp hdră mkăp blei mnơ̆ng ƀơ̆ng huă dua nah, hluê hdră dêč kơ klei ba yua hdră kăm khư̆. Hluê hdră bi hdơr, Việt Nam srăng mjing klei găl kơ hdră ba čhĭ braih truh ti Singapore hluê hnơ̆ng braih mâo dua nah bi tŭ ư, hŏng klei ba mgrơ̆ng klă klơ̆ng, mkăp ênŭm hluê si klei čiăng mơ̆ng Singapore.