VOV4.Êđê - Hruê 14/2, lu sang hră gưl prŏng klă klơ̆ng lŏ pŏk ƀăng, drông sinh viên lŏ nao sang hră leh sa wưng sui hriăm online kñăm gang mkhư̆ klei ruă Covid 19. Sinh viên hơ̆k kdơ̆k nao hriăm kơ sang hră, bi dŭm sang hră ăt mđing kơ hdră gang mkhư̆ klei ruă tưp čiăng rơ̆ng klei suaih pral kơ phung sinh viên lehanăn phung knuă druh, nai mtô. Mđing uêñ, huĭ hyưt jing klei mâo msĕ hlăm lu phung sinh viên thŭn tal 1, gưl tal êlâo nao sang hră leh dưi mŭt hriăm. Čiăng rơ̆ng klei êđăp ênang kơ hdră gang mkhư̆ klei ruă tưp, dŭm sang hră čih mkra leh hdră kčah klă klơ̆ng, mơ̆ng bruă mkŏ mjing hdră mtô, mkăp anôk dôk ăt msĕ mơh hdră pral hmao ƀuh phung sinh viên, knuă druh, nai mtô jing F0./.

H’Nêč pô mblang