VOV4.Êđê - Hlăm klei kƀĭn hưn mdah boh sĭt kơ bruă duh mkra ala buôn wưng tlâo mlan tal 2 thŭn 2022 mơ̆ng bruă sang čư êa čar Ninh Thuận mkŏ mjing tlam mbruê 14/7, pô bi ala knơ̆ng bruă êlan klông leh anăn dŭ mdiăng hưn leh kơ hdră mkra wĭt êlan êdeh treng Tháp Chàm - Đà Lạt. Êlan êdeh treng anei kčưm ba yua mơ̆ng thŭn 1932 leh anăn mdei yua ti thŭn 1972. Êlan anei mâo boh taih 83,5km, hlăm anăn găn čar Ninh Thuận 49km, hŏng 17 anôk mjưh mdei leh anăn drông tuê. Êngao kơnăn, mâo 64 kban, 5 ƀăng mur leh anăn 16 km êlan msei mâo êgei. Čiăng ngă hdră anei, mĭn tĭng ruh mgaih anôk ala găn čar Ninh Thuận 130ha, lu jing lăn lŏ hma. Kluôm ênoh duh bi liê kơ hdră anei hlăm brô 27.780 êklai prăk. Mĭn tĭng êlan êdeh treng anei srăng dưi kčưm ngă mơ̆ng thŭn 2024 leh anăn ba yua mơ̆ng thŭn 2030.